باہرکھانا کھانے کا رواج عام ہو چکا ہے۔ہر خاص وعام بازار کے کھانوں کا شوقین نظر آتا ہے۔جگہ جگہ فوڈ اسٹریٹ قائم ہوچکی ہیںجن میں طرح طرح کے کھانے دستیاب ہوتے ہیں۔ہر ویک اینڈ پر باہر جاکر کھانا کھانا سب سے مقبول تفریح بن چکی ہے۔باہر کے کھانے دیکھتے ہی منہ میں پانی بھر آتا ہے لیکن یہ کس طرح تیار ہوتے ہیں اکثر لوگ اس سے نا واقف ہیں۔جب ہم اپنا کھانا خود تیار کرتے ہیں تو اس بات کو یقینی بناتے ہیں کہ اس میں استعمال ہونے والی ہر چیز صاف ستھری اورخالص ہو۔اس کی تیاری میں کوئی مضر صحت چیز شامل نہ ہو۔جب ہم یہی چیز باہر کھاتے ہیں تو وہ اچھی تو بہت لگتی ہے لیکن اس کے صاف ستھراہونے کی کوئی گارنٹی نہیں ہوتی۔فوڈ اسٹریٹ اور ریستورانوں میں تیار شدہ یہ کھانے صحت کے لئے بہت نقصان دہ ہیں۔جو انسانی جسم کو نقصان پہنچانے کا باعث بنتے ہیں۔ان کھانوں سے ہونے والے نقصانات ذیل میں درج ہیں۔ بلڈ پریشر غیرمعیاری ہوٹلوں کےمضر صحت کھانوں میں شامل آلودہ نمک بلڈ پریشر میں خرابی کا باعث بن سکتا ہے۔ان کھانوں کو تیار کرنے کے لئے استعمال ہونے والا غیر معیاری تیل دل اور رگوں کے لئے نقصان دہ ثابت ہوتا ہے۔ فوڈ پوائزننگ غیرمعیاری ہوٹلوں میںغیر معیاری اورباسی کھانا کھانے کی وجہ سے عموماََلوگ فوڈ پوائزننگ کا شکار ہو جاتے ہیں۔جس کی وجہ سے الٹیاں، دست اور پیٹ میں درد شروع ہو جاتا ہے‘ساتھ ہی بخار بھی چڑھ جاتا ہےجس سے پانی کی کمی کا شکار ہوجاتے ہیںاور بعض اوقات ہسپتال میں داخل ہونا پڑتا ہے۔ تیزابیت مضر صحت کھانوں میں استعمال ہونے والے تیل میں تیزابی اجزاء شامل ہوتے ہیں۔معدے میں ضرورت سے ذیادہ تیزابیت معدے کو نقصان پہنچاتی ہے اور السر کا باعث بنتی ہے۔پیٹ اور سینے میں جلن محسوس ہوتی ہے اورہاضمے میں خرابی پیدا ہوجاتی ہے۔ پیٹ کے مسائل مضر صحت کھانے پیٹ کے درد کا باعث بنتے ہیں۔یہ کھانے کھا کر لوگ مختلف تکالیف میں مبتلا ہو جاتے ہیں۔اکثر لوگوں کو دست یا مستقل قبض کی شکایت ہو جاتی ہے۔ جسم کی بدبو مضر صحت کھانا کھانے کی وجہ سے جسم سے بدبو دار پسینہ نکلتا ہے۔اس کی وجہ یہ ہے کہ جسم سے خارج ہونے والے پسینے میں غذا کے آلودہ اجزا ء شامل ہوجاتے ہیں جو جسم کی بدبو کا باعث بنتے ہیں۔ الرجی مضر صحت کھانوں کی وجہ سے جسم کو مختلف قسم کی الرجی کا سامنہ کرنا پڑتا ہے۔کھانوں میں استعمال ہونے والے غیر معیاری اجزاء کی موجودگی کسی بھی الرجی کا باعث بن سکتی ہے۔اور ان سے بچنا نا ممکن ہوتا ہے۔ مہاسے اور جلدکے مسائل غیر معیاری کھانے میں خارش پیدا کرنے والے اجزاء شامل ہوتے ہیں جو جلد پر براہ راست اثر ڈالتے ہیں۔جلد کے مسائل میں سب سے عام چہرے پر مہاسوں کا نمودار ہونا ہے۔کھانوں میں بہت ذیادہ چکنائی اور مصنوعی رنگوں کا استعمال مہاسوں کی ایک بڑی وجہ ہے۔ موٹاپا باہر کے غیر معیاری کھانے وزن کو بڑھانے کی ایک بڑی وجہ ہیں۔ان کھانوں میں شامل ہونے والے اکثر اجزاء میں شکر،چکنائی ا ورنمک کی وافر مقدار موجود ہوتی ہے۔یہ تمام چیزیں موٹاپے کا باعث بنتی ہے۔اور موٹاپا صحت کے مسائل میں ایک بڑا مسئلہ ہے۔ ہائپر لپڈیمیا جسم میں چکنائی(لپڈ)کی مقداربڑھ جانے کی وجہ سے جسم بھاری اور بے ڈول ہو جاتا ہے۔لپڈ کی بڑھتی ہوئی مقدار دل کی بیماری کا باعث بنتی ہے۔مضر صحت کھانوں میں شامل غیر معیاری تیل،ہائپر لپڈیمیاکا باعث بنتا ہے۔ ذ یابیطس مضر صحت کھانوں میں کاربوہائیڈریٹ اور شکر کی ذیادتی اور قوت بخش اجزاء کی کمی ذیابیطس کا باعث بنتی ہے۔جو جسم میں شکر کی مقدار بڑھ جانے کی وجہ سے ہوتی ہے ۔ ضرورت اس بات کی ہے کہ اگر ہم باہر کھانا کھانے کے شوق پر قابو پالیں اور گھر میں ہی اچھے کھانے تیارکرکے اپنا شوق پورا کر لیں تو لا تعداد بیماریوں سے محفوظ رہ سکتے ہیں۔
Ubqari Magazine Rated 3.5 / 5 based on 649
reviews.
شیخ الوظائف کا تعارف
حضرت حکیم محمد طارق محمود مجذوبی چغتائی (دامت برکاتہم) فاضل طب و جراحت ہیں اور پاکستان کونسل سے رجسٹرڈ پریکٹیشنز ہیں۔حضرت (دامت برکاتہم) ماہنامہ عبقری کے ایڈیٹر اور طب نبوی اور جدید سائنس‘ روحانیت‘ صوفی ازم پر تقریباً 250 سے زائد کتابوں کے محقق اور مصنف ہیں۔ ان کی کتب اور تالیفات کا ترجمہ کئی زبانوں میں ہوچکا ہے۔ حضرت (دامت برکاتہم) آقا سرور کونین ﷺ کی پُرامن شریعت اور مسنون اعمال سے مزین، راحت والی زندگی کا پیغام اُمت کو دے رہے ہیں۔
مزید پڑھیں
