بحیثیت مسلمان ہم جس بااخلا ق نبیﷺ کے پیرو کا ر ہیںانکا غیر مسلموں سے کیا مثالی سلوک تھا‘ آپ نے سابقہ اقساط میں پڑھا اب ان کے غلاموں کی روشن زندگی کو پڑھیں۔ سوچیں! فیصلہ آپ کے ہاتھ میں ہے

غیرمسلموں اور ان کی عبادت گاہوں کیساتھ حسن سلوک:عبدالرحمٰن الداخل کے بیٹے ہشام اول نے اپنے سیرت و کردار میں اور طرز حکمرانی میں حضرت عمر بن عبدالعزیز کی یاد تازہ کردی جہاں اس کے اور کارنامے ہیںوہاں انصاف میں امیرو غریب کا امتیاز نہ کرنا۔ دست نگر اور لطف و کرم سے پیش ٓانا رعایا کو تنگ کرنے والے حکام کو بے رحم ہوکر سزا دینا۔ غیرمسلموں کے ساتھ اور ان کی عبادت گاہوں کے ساتھ حسن و سلوک کرنا اس خاندان کے حکمران عبدالرحمن ثانی کا بھی یہی طرہ امتیاز تھا اور اس خاندان کے اور حکمران عبدالرحمٰن ثالث کو بھی یہ وقار حاصل تھا اس کے انتقال کے بعد اس کے کاغذوں میں ایک بیاض نکلی جس میں اس نے لکھا تھا میں نہایت امن امان کامیابی کے ساتھ پچاس برس حکمرانی کرکے جارہا ہوں۔ میرے دشمن اور دوست مجھ سے خوش ہیں، دنیا بھر کے بادشاہ میری دوستی کے طلب گار ہیں کوئی ایسی چیز نہ تھی جس کی خواہش انسان کے دل میںہوا کرتی ہے وہ مجھے نہ ملی ہو۔ میںنے ان دنوں کو گنا ہے جن میں میں بے فکر رہا اور میں واقعی بے فکر رہا مجھے حقیقی خوشی نصیب ہوئی۔ ایس بی اسکاٹ لکھتا ہے عبدالرحمٰن ثالث غیرمسلموں کیلئے اتنا بڑا دل رکھتا تھا کہ شاید شیر کا دل بھی چھوٹا ہوگا اور ڈوزی مشہور مورخ لکھتا ہے عبدالرحمٰن ثالث کی فوج دنیا کی بہترین فوج لیکن کبھی اس کی تلوار غیرمسلموں کیلئے نہیں اٹھی اور اس نے ہمیشہ غیرمسلموں کے ساتھ اور ان کی عبادت گاہوں کے ساتھ بہترین اور اعلیٰ سلوک کیا ہے۔(ہسٹری آف سارا سیز صفحہ نمبر 112 تا 114)

’’پیغمبر اسلامؐ کا غیرمسلموں سے حسن سلوک‘‘اب تمام واقعات کتابی شکل میں ضرور پڑھیں‘ گفٹ کریں اور’’غیرمسلموں کی عبادت گاہیں‘ ان کے حقوق اور ہماری ذمہ داریاں‘‘ ’’امن اور عبقری‘‘ انسانیت اور رواداری‘‘کتب اردو اور انگلش میں پڑھنا ہرگز نہ بھولیں!