محترم حضرت حکیم صاحب السلام علیکم! عبقری رسالہ بہت شوق سے پڑھتی ہوں‘ میں پہلی مرتبہ تسبیح خانہ میں ہونے والے روحانی چلہ جو کہ ہفتے میںتین دن جمعرات مغرب سے شروع ہوکر اتواردوپہر ایک بجے تک ہوتا ہے۔میں بھی اپنے شوہر کے ہمراہ شامل ہوئی‘ ہمیں بہت روحانی طاقت ملی‘ زیادہ اعمال کرنے کی ہمت ہوئی‘ ہر ایک کی نظر میں عزت ہوئی‘رزق میں برکت ہوئی‘زندگی کا سکون ملا‘تسبیح خانہ سے مجھے یہ سبق ملا کہ میری ساس کی ٹانگ کا فریکچر ہوا تو میں نے ان کی خدمت عبادت سمجھ کر کی‘ اللہ نے میری عبادت قبول کی اور مجھے سسرال میں بہت عزت ملی۔ میرے بیٹے نے آسٹریلیا کیلئے اپلائی کیا‘ اللہ کا شکر ہے کہ تسبیح خانہ کے چلے میں شرکت کرنے کی‘ توجہ سے دعائیں کیں‘ اسی ہفتے میرے بیٹے کا آسٹریلیا جانے کی تاریخ آگئی۔ چہرے پر نورانیت آگئی۔ زندگی کا کوئی مسئلہ ہو چلے میں شرکت کرتے ہیں مسئلہ حل ہوجاتا ہے۔ (گل ناز‘ ملتان)
روحانی چلہ میں اللہ نے فریاد سن لی!
محترم شیخ الوظائف السلام علیکم! میں اور میری والدہ جب سےتسبیح خانہ لاہور میں ہونے والی ہفتہ وار روحانی چلہ میں شامل ہورہے ہیں‘ میری والدہ کہتی ہیں روحانی چلہ جب سے شروع ہوا ہے اللہ نے میری فریاد سن لی ہے‘ ہم دشمنوں میں رہ رہے ہیں اور یہ چلہ میں شمولیت کی برکت ہے کہ دشمن ہم پر ظاہر ہوگئے ہیں۔ اب دشمن جو تدبیر کرتے ہیں ان پر الٹ جاتی ہے‘ہمارے ایک رشتہ دار ہم پر جھوٹا پرچہ کروانے لگے ایسی ہوا چلی کہ ان پر خود کسی نے پرچہ کروا دیا انہوں نے اپنی گائے سترہزار کی بیچ کر جان چھڑوائی۔میری بہن کی طبیعت ٹھیک نہیں ہوتی تھی‘ چلہ میں شمولیت اختیار کی بہن کی طبیعت ٹھیک ہوگئی۔ہماری ایک رشتہ دار ہم پر کالا علم کرواتی تھیں‘ دوران چلہ وہ میری والدہ کے خواب میں آئی بہت تکلیف میں تھیں اور اپنے گناہ کا اعتراف کررہی تھیں اور بار بار کہہ رہی تھیں کہ ان کو چلہ میں شمولیت سے روکو۔ ہمیں بعد میں علم ہوا کہ وہ بہت سخت بیمار ہوگئی ہیں۔ ہمارے گھر رشتے نہیں آتے تھے‘ اب رشتے آنا شروع ہوگئے ہیں۔ (رخسانہ‘ فیصل آباد)