محترم حضرت حکیم صاحب السلام علیکم!اللہ تعالیٰ آپ کو تندرستی عافیت والی زندگی دے‘ آمین! میں آپ کے لیے تہجد سے لیکر اشراق، چاشت سے لیکر عشاء تک ہر نماز میں دعا کرتی ہوں۔ اللہ تعالیٰ ہم گنہگاروں کی آپ کے لیے دعا قبول کرے۔  میری چیسٹ پر گلٹی سی بن گئی تھی لیڈی ڈاکٹر کو چیک کروایا تو اس نے کہا کہ چھوٹا سا آپریشن ہوگا ٹھیک ہوجائے گی‘ میں بہت زیادہ ڈر گئی‘ میں نے درس میں وضو والے پانی کے کرشمات سنے‘ عبقری پبلی کیشنز کی کتاب ’’وضو کے پانی کے کرشمات‘‘ پڑھی‘ میں نے یہ عمل شروع کردیا‘ وضو کرنے کے پانی تین گھونٹ پانی پیتی‘ پہلے گھونٹ پر اللہ شافی‘ دوسرے گھونٹ پر اللہ معافی اور تیسرے گھونٹ پر اللہ کافی پڑھتی۔ پھر چوتھی مرتبہ ہاتھ میں پانی لیکر اپنی گلٹی پر لگا لیتی۔ الحمدللہ! چند دن عمل کرنے سے گلٹی کم ہونا شروع ہوئی اور پھر خود ہی ختم ہوگئی۔ الحمدللہ تسبیح خانے میں آنے اور عبقری رسالہ پڑھنے سے میرے گھر میں برکت ہوئی۔ (پوشیدہ)