(محمد حسیب قریشی ، لودھراں)

چار کنکریاں لیں‘ سات روز میں ناجائز قبضہ ختم!

محترم حضرت حکیم صاحب السلام علیکم!اللہ پاک آپ کے علم میں، عمل میں ، صحت میں اور عزت میں برکتیں عطا فرمائیں۔ میں اپنے اور اپنے بزرگوں کے مجربات تحریر کررہا ہوں۔اگر کسی نے زمین، مکان یا دکان پر ناجائز قبضہ کرلیا ہے تو اس قبضہ کو چھڑوانے کے لیے خلوص دل سے یہ عمل کریں ۔ چار عدد کنکریاں لے کر دھو لیں خشک ہونے پر ان پر سورئہ فاتحہ سات مرتبہ، سورئہ اخلاص تین بار، معوذتین ایک بار، سورئہ تبارک الذی (سورئہ الملک) ایک بار، آیت الکرسی دس بار، اوّل و آخر درود شریف دس بار پڑھ کر کنکریوں پر دم کریں۔ چار کنکریاں اس مکان زمین وغیرہ کے چاروں کونوں میں دفن کریں اور ایک پتھر بغیر دم شدہ درمیان میں دفن کریں ان شاء اللہ سات روز کے اندر ناجائز قبضہ ختم ہو جائے گا۔ (نوٹ ناحق مت کریں جہاں بہت ضرورت ہو وہاں کریں ناحق کریں گے تو نقصان ہوگا)۔

تعویذ برائے تمام امراض
یہ تعویذ میرے بزرگوں سے ہوتا ہوا مجھ تک پہنچا ہے۔ بہت ہی تیربہدف تعویذ ہے ۔ایسا مریض جو سخت قسم کی بیماری میں مبتلا ہو یا ایسا مرض جس کی تشخیص نہ ہورہی ہو لکھ کر اس مریض کے گلے میں پہنا دیں، ان شاء اللہ دنوں میں مریض تندرستی محسوس کرے گا۔ میں نے یہ تعویذ بہت سے لوگوں کو دیا اللہ پاک نے شفاء دی۔ تعویذ کو زعفران سے لکھیں اگر زعفران میسر نہیں ہے تو کالی سیاہی سے بھی لکھا جاسکتا ہے انتہائی مجرب ہے۔