محترم شیخ الوظائف صاحب السلام علیکم!اپنا ایک آزمودہ نسخہ عبقری قارئین کے لئے تحریر کررہا ہوں جس سے مجھے بہت زیادہ نفع ہوا اور بہت بڑی پریشانی اور مشکل سے نجات ملی۔
چند سال پہلے اللہ تعالیٰ نے بیٹے کی نعمت سے نوازا۔پیدائش کے وقت اس کے خصیے بہت زیادہ سُوجے ہوئے تھے‘یہ بیماری کوئی خاندانی نہیں تھی بلکہ پہلی مرتبہ کسی بچے میں یہ مسئلہ ہوا تھا۔ہم نے سوچا شاید چند دن بعد یہ مسئلہ خود ہی حل ہو جائے گا مگر ایسا نہ ہوسکا اس لئے پریشانی بڑھتی گئی۔بچوں کے ماہر امراض کے ایک ڈاکٹر کو چیک اپ کروایا تو انہوں نے پوری طرح معائنہ کرنے کے بعد بتایا کہ اس بچے کے مرض کا آخری علاج آپریشن ہی ہے لیکن بچہ ابھی بہت چھوٹا ہے اس لئے جب اس کی عمر سے سات سے آٹھ سال ہو گی تب ہی آپریشن کیا جاسکے گا۔ڈاکٹر نے ساتھ یہ بھی خبردار کر دیا کہ اس کی بہت زیادہ دیکھ بھال کرنا پڑے گی کیونکہ اگر اس کی اپنی ٹانگوں کی چوٹ سےیا نیچے گرنے سے مزید نقصان کا خدشہ ہے۔ایک طرف بیٹا ہونے کی خوشی تھی مگر دوسری طرف اس مرض نے راتوں کی نیندیں اڑا دی۔میں نے ہمت نہ ہاری اور ایک جاننے والے ڈاکٹر جو ایک بڑے ہسپتال میں اپنی خدمات سر انجام دے رہے تھے انہیں بچے کا معائنہ کروایا۔انہوں نے بھی یہی بتایا کہ اس کا آپریشن کے علاوہ کوئی حل نہیں جو آٹھ سال کے بعد ہی کیا جاسکے گا۔
ان دنوں بہت زیادہ پریشانی اور مشکل میں دن گزر رہے تھے۔چند دن بعد میری اہلیہ اپنے میکہ چلی گئی۔وہاں اس کی اچانک طبیعت خراب ہوئی تو وہ اپنے قریب ہی ایک پرانے حکیم صاحب کے پاس علاج کی غرض سے گئی جن کی عمر تقریباً سو سال تھی۔وہ حکیم صاحب یونانی علاج کے علاوہ‘ایلو پیتھک اور ہومیو پیتھک علاج سے بھی اچھی طرح واقف تھے۔ان کے پاس جو بھی مریض آتا تو اسے اس کےمرض کی نوعیت کے حساب سے ادویات اور علاج تجویذ کرتے تھے۔میری اہلیہ کو بھی انہوں نے کچھ ادویات دیں‘بیٹا بھی ساتھ ہی تھا اس لئے اس کے مرض کے متعلق بھی بتایا۔حکیم صاحب نے تسلی دی اور کہا کہ ان شاءاللہ آپریشن کی نوبت نہیں آئے گی بس یہ نسخہ آزما لیں۔ہم نے بچے کو چند دن وہ نسخہ استعمال کروایا الحمدللہ حیران کن طور پر بغیر آپریشن کے چند ہی دن مین بچہ بالکل صحت مند اور تندرست ہو گیا ۔ ٹوٹکہ یہ تھا کہ بیس روپے کی ماش کی دال لیں۔اسے دو جگ پانی میں ڈال کر ابال لیں۔جب پانی پک جائے تو دال کو علیحدہ کر لیں پانی چھوٹے پانی والے ٹب میں ڈال دیں۔جب پانی نیم گرم ہو جائے تو اس میں دس منٹ کے لئے بچے کو بٹھا دیں۔ہم نے صرف دو مرتبہ یہ ٹوٹکہ آزمایا اور الحمدللہ بچہ بالکل ٹھیک ہو گیا۔