پائوں پہلے پیدا ہوا یا پہیہ محترم والد صاحب پیدل چلنے کو ترجیح دیتے ہیں ایک صاحب انہیں دیکھ کر کہنے لگے حکیم صاحب میں آپ کو پیدل ہی دیکھتا ہوں اور اب آپ اتنی دور سے پیدل چل کر آرہے ہیں آخر وجہ؟ والد صاحب فرمانے لگے کہ پیدل چلنا صحت ہے۔ وہ صاحب بولے ہاںہمارے ایک دوست دل کی بیماری میں مبتلا ہوگئے لاہور کے ایک ہسپتال میں داخل ہوئے وہاں کے ماہرین قلب نے کہا کہ آپ کراچی تشریف لے جائیں وہ وہاں پہنچے کچھ عرصہ علاج کیا لیکن وہاں کے ماہرین سے مرض کنٹرول نہ ہوا۔ انہوںنے مشورہ د یا کہ آپ لندن علاج کے لئے تشریف لے جائیں۔ وہ جب لندن پہنچے تو انہوںنے مکمل چیک اپ کے بعد فرمایا کہ اس مرض کا علاج امریکہ کا ایک کارڈیک ہسپتال ہے، وہاں ہوگا۔ مرتے کیا نہ کرتے وہاں پہنچے فرماتے ہیں کہ جب اس ہسپتال کے مین گیٹ پر پہنچے تو اس کے گیٹ پر لکھا ہوا دیکھا کہ پائوں پہلے پیدا ہوا یا پہیہ؟ وہاں علاج کراتے رہے خاطر خواہ افاقہ ہوا۔ ماہرین قلب نے انہیں آخری اور اہم مشورہ یہی دیا کہ آپ پیدل چلیں آپ کا یہی علاج ہے۔ ظاہر ہے کہ پائوں پہلے پیدا ہوا ہے پہیہ تو بعد کی ایجاد ہے اور آج ہر جگہ ویل یا پہیہ ہی ضرورت ہے۔ آج علاج معالجے کی طرف ہماری توجہ خدا کی طرف توجہ کرنے سے بھی زیادہ ہے لیکن کبھی یہ بھی غور کیا کہ ہمارے امراض کا سبب کیا ہے؟ ایسے کون سے عوامل ہیں جن کے باعث ہم طرح طرح کے امراض میں مبتلا ہورہے ہیں اور یہ بات ہر آدمی تسلیم کرے گا کہ اس کی بنیادی وجہ بے عمل زندگی ہے۔ ایسی زندگی جس کے اندر پائوں کی حرکت کم اور ویل یعنی پہیے کی حرکت زیادہ ہے۔ ویل میں سائیکل سے لیکر کار تک حتیٰ کہ جہاز تک کی مثال دی جاسکتی ہے۔ ایک بادشاہ بہت تندرست اور توانا تھا۔ ایک دفعہ کسی دوسرے ملک کے بادشاہ سے جب اس کی ملاقات ہوئی تو اس نے اس کی صحت کا راز دریافت کیا بادشاہ نے کہا دو حکیم ہر وقت میرا علاج کرتے رہتے ہیں اور وہ حکیم میرے پائوںہیں۔ میں جب بھی پیدل چلتا ہوں تو میرے پائوں ہی حرکت میں آتے ہیں اس لیے جب ان میںحرکت پیدا ہوتی ہے تو تمام جسم آرام اور سکون کا محور بن جاتا ہے۔ بے خوابی: ڈاکٹروں کے کلینک اور اطباء کے مطب بے خوابی کے مریضوں کا مرکز ہیں لیکن ادویات میں اضافہ کے باوجود مرض اتنا ہی بڑھتا جارہا ہے۔ اگر آپ اپنے ماحول پر غور کریں تو آپ کو فوراً اس بات سے آگاہی ہوگی کہ اس کی اصل وجہ بے حرکت زندگی ہے۔ میں نے دیکھا کہ جب اس مرض کی شکایت کرنے والے مریض رو رو کر اپنا حال بیان کرتے ہیں تو ان میں سے نوے فیصد لوگ ایسے ہوتے ہیں جو کسی ایسے شعبے یا پیشے سے منسلک ہوتے ہیں جس میں حرکت کم اور دماغ سوزی زیادہ ہوتی رہے۔ اب جب ایسے لوگوں کو روزانہ پیدل چلنے کا مشورہ دیا جاتا ہے تو جو مریض اس پر سختی سے عمل کرتے ہیں وہ حیران کن طریقے سے صحت کی طرف گامزن ہوتے ہیں اور بے خوابی ان سے کوسوں دور بھاگتی ہے حتیٰ کہ ایسے مریض جن پر نشہ آور گولیاں اثر کرنا چھوڑ گئی تھیں وہی مریض جب مسلسل پیدل چلنا اپنا شعار بناتے ہیں تو پھر ان کو طبعی نیند کا مزہ ملتا ہے۔ تبخیر، گیس: بس، ٹرین، اسٹیشن، بازار، گلی ہر جگہ آپ کو ہاضمے کی دوائی کا اشتہار مل جائے گا ،کوئی گولیاں سفوف یا مکسچر بیچنے والا مل جائے گا۔ ہر کسی کا دعویٰ ہوگا کہ ہر قسم کی بادی، گیس، تبخیر وغیرہ کا آخری علاج اس کا یہ نسخہ ہے۔ اس وقت ملک کے اندر جتنی ادویات امراض معدہ کیلئے بنتی ہیں اتنی شاید ہی کسی اور مرض کیلئے تیار ہوتی ہوں۔ حالانکہ تبخیر اور گیس کا علاج صرف اور صرف پیدل چلنا ہے۔ جب ہم مرغن اغذیہ کھاکر کرسی پر بیٹھ جاتے ہیں اور چلت پھرت ہوتی ہے نہیں تو کھائی ہوئی غذا متعفن ہوجاتی ہے اور پھر وہی غذا بجائے شفا اور خوراک بننے کے بیماری بن جاتی ہے۔ دائمی قبض: دائمی قبض ایک سنگین مسئلہ ہے۔ دوائی، گولی کھائی اجابت صاف ورنہ پھر وہی قبض لیکن اگر مریض قبض علاج کے ساتھ ساتھ مسلسل پیدل چلنا شروع کردے تو دائمی قبض سے نجات مل جاتی ہے۔ دل کے امراض: دل چونکہ خود متحرک عضو ہے اس لیے یہ حرکت کو پسند کرتا ہے لیکن جب دل رکھنے والے انسان کو غفلت اور سستی غالب آتی ہے اور وہی انسان دل کی طرح متحرک نہیں ہوتا پھر یہی دل روٹھ جاتا ہے۔ پھر اس کو منانے کیلئے طرح طرح کے طریقے ادویات کی صورت میں اختیار کیے جاتے ہیں لیکن یہ روٹھ کر مان جائے کچھ مشکل ہوتا ہے۔ پھر اس کا علاج، بچائو اور حفظ ماتقدم پیدل چلنا ہے۔ صرف پیدل!!! موٹاپا: کیا موٹاپا لاعلاج ہے؟ ایک پولیس افسر میرے پاس پیٹ کم کرنے کیلئے آیا۔ میں نے ادویات دیں اور روزانہ کم از کم 5میل پیدل چلنے کا کہا۔ اس نے توجہ کی صرف چالیس یوم کے بعد اس کا جسم اور پیٹ نارمل ہوگیا۔ حتیٰ کہ ان صاحب کو اپنی پتلون تنگ کرانا پڑی۔ بواسیر: بواسیر بعض زبانوں میں بیٹھنے کے مرض کو کہتے ہیں۔ کیونکہ بواسیر پیدل چلنے والے کو بہت کم ہوتی ہے اور اس کا علاج اگر پیدل چلنے سے کیا جائے تو بہت کارکر ہوگا۔ حتیٰ کہ بادی بواسیر کے مریض بظاہر چل نہیں سکتے لیکن جب انہوں نے پیدل چلنا شروع کیا اور مسلسل، متواتر، مستقل مزاجی سے چلتے رہے تو مرض نے ہمیشہ کیلئے سلام کردیا۔ اور سب سے بڑی چیز یہ ہے کہ پیدل چلنا سنت نبویﷺ ہے اور اگر اس کو سنت سمجھ کر کیا جائے تو ثواب کم نہ ہوگا اور دنیا کے فوائد مفت میں حاصل ہوجائیں گے۔ -Ubqari

پائوں پہلےپیدا ہوا یا پہیہ

پائوں پہلے پیدا ہوا یا پہیہ محترم والد صاحب پیدل چلنے کو ترجیح دیتے ہیں ایک صاحب انہیں دیکھ کر کہنے لگے حکیم صاحب میں آپ کو پیدل ہی دیکھتا ہوں اور اب آپ اتنی دور سے پیدل چل کر آرہے ہیں آخر وجہ؟ والد صاحب فرمانے لگے کہ پیدل چلنا صحت ہے۔ وہ صاحب بولے ہاںہمارے ایک دوست دل کی بیماری میں مبتلا ہوگئے لاہور کے ایک ہسپتال میں داخل ہوئے وہاں کے ماہرین قلب نے کہا کہ آپ کراچی تشریف لے جائیں وہ وہاں پہنچے کچھ عرصہ علاج کیا لیکن وہاں کے ماہرین سے مرض کنٹرول نہ ہوا۔ انہوںنے مشورہ د یا کہ آپ لندن علاج کے لئے تشریف لے جائیں۔ وہ جب لندن پہنچے تو انہوںنے مکمل چیک اپ کے بعد فرمایا کہ اس مرض کا علاج امریکہ کا ایک کارڈیک ہسپتال ہے، وہاں ہوگا۔ مرتے کیا نہ کرتے وہاں پہنچے فرماتے ہیں کہ جب اس ہسپتال کے مین گیٹ پر پہنچے تو اس کے گیٹ پر لکھا ہوا دیکھا کہ پائوں پہلے پیدا ہوا یا پہیہ؟ وہاں علاج کراتے رہے خاطر خواہ افاقہ ہوا۔ ماہرین قلب نے انہیں آخری اور اہم مشورہ یہی دیا کہ آپ پیدل چلیں آپ کا یہی علاج ہے۔ ظاہر ہے کہ پائوں پہلے پیدا ہوا ہے پہیہ تو بعد کی ایجاد ہے اور آج ہر جگہ ویل یا پہیہ ہی ضرورت ہے۔ آج علاج معالجے کی طرف ہماری توجہ خدا کی طرف توجہ کرنے سے بھی زیادہ ہے لیکن کبھی یہ بھی غور کیا کہ ہمارے امراض کا سبب کیا ہے؟ ایسے کون سے عوامل ہیں جن کے باعث ہم طرح طرح کے امراض میں مبتلا ہورہے ہیں اور یہ بات ہر آدمی تسلیم کرے گا کہ اس کی بنیادی وجہ بے عمل زندگی ہے۔ ایسی زندگی جس کے اندر پائوں کی حرکت کم اور ویل یعنی پہیے کی حرکت زیادہ ہے۔ ویل میں سائیکل سے لیکر کار تک حتیٰ کہ جہاز تک کی مثال دی جاسکتی ہے۔ ایک بادشاہ بہت تندرست اور توانا تھا۔ ایک دفعہ کسی دوسرے ملک کے بادشاہ سے جب اس کی ملاقات ہوئی تو اس نے اس کی صحت کا راز دریافت کیا بادشاہ نے کہا دو حکیم ہر وقت میرا علاج کرتے رہتے ہیں اور وہ حکیم میرے پائوںہیں۔ میں جب بھی پیدل چلتا ہوں تو میرے پائوں ہی حرکت میں آتے ہیں اس لیے جب ان میںحرکت پیدا ہوتی ہے تو تمام جسم آرام اور سکون کا محور بن جاتا ہے۔ بے خوابی: ڈاکٹروں کے کلینک اور اطباء کے مطب بے خوابی کے مریضوں کا مرکز ہیں لیکن ادویات میں اضافہ کے باوجود مرض اتنا ہی بڑھتا جارہا ہے۔ اگر آپ اپنے ماحول پر غور کریں تو آپ کو فوراً اس بات سے آگاہی ہوگی کہ اس کی اصل وجہ بے حرکت زندگی ہے۔ میں نے دیکھا کہ جب اس مرض کی شکایت کرنے والے مریض رو رو کر اپنا حال بیان کرتے ہیں تو ان میں سے نوے فیصد لوگ ایسے ہوتے ہیں جو کسی ایسے شعبے یا پیشے سے منسلک ہوتے ہیں جس میں حرکت کم اور دماغ سوزی زیادہ ہوتی رہے۔ اب جب ایسے لوگوں کو روزانہ پیدل چلنے کا مشورہ دیا جاتا ہے تو جو مریض اس پر سختی سے عمل کرتے ہیں وہ حیران کن طریقے سے صحت کی طرف گامزن ہوتے ہیں اور بے خوابی ان سے کوسوں دور بھاگتی ہے حتیٰ کہ ایسے مریض جن پر نشہ آور گولیاں اثر کرنا چھوڑ گئی تھیں وہی مریض جب مسلسل پیدل چلنا اپنا شعار بناتے ہیں تو پھر ان کو طبعی نیند کا مزہ ملتا ہے۔ تبخیر، گیس: بس، ٹرین، اسٹیشن، بازار، گلی ہر جگہ آپ کو ہاضمے کی دوائی کا اشتہار مل جائے گا ،کوئی گولیاں سفوف یا مکسچر بیچنے والا مل جائے گا۔ ہر کسی کا دعویٰ ہوگا کہ ہر قسم کی بادی، گیس، تبخیر وغیرہ کا آخری علاج اس کا یہ نسخہ ہے۔ اس وقت ملک کے اندر جتنی ادویات امراض معدہ کیلئے بنتی ہیں اتنی شاید ہی کسی اور مرض کیلئے تیار ہوتی ہوں۔ حالانکہ تبخیر اور گیس کا علاج صرف اور صرف پیدل چلنا ہے۔ جب ہم مرغن اغذیہ کھاکر کرسی پر بیٹھ جاتے ہیں اور چلت پھرت ہوتی ہے نہیں تو کھائی ہوئی غذا متعفن ہوجاتی ہے اور پھر وہی غذا بجائے شفا اور خوراک بننے کے بیماری بن جاتی ہے۔ دائمی قبض: دائمی قبض ایک سنگین مسئلہ ہے۔ دوائی، گولی کھائی اجابت صاف ورنہ پھر وہی قبض لیکن اگر مریض قبض علاج کے ساتھ ساتھ مسلسل پیدل چلنا شروع کردے تو دائمی قبض سے نجات مل جاتی ہے۔ دل کے امراض: دل چونکہ خود متحرک عضو ہے اس لیے یہ حرکت کو پسند کرتا ہے لیکن جب دل رکھنے والے انسان کو غفلت اور سستی غالب آتی ہے اور وہی انسان دل کی طرح متحرک نہیں ہوتا پھر یہی دل روٹھ جاتا ہے۔ پھر اس کو منانے کیلئے طرح طرح کے طریقے ادویات کی صورت میں اختیار کیے جاتے ہیں لیکن یہ روٹھ کر مان جائے کچھ مشکل ہوتا ہے۔ پھر اس کا علاج، بچائو اور حفظ ماتقدم پیدل چلنا ہے۔ صرف پیدل!!! موٹاپا: کیا موٹاپا لاعلاج ہے؟ ایک پولیس افسر میرے پاس پیٹ کم کرنے کیلئے آیا۔ میں نے ادویات دیں اور روزانہ کم از کم 5میل پیدل چلنے کا کہا۔ اس نے توجہ کی صرف چالیس یوم کے بعد اس کا جسم اور پیٹ نارمل ہوگیا۔ حتیٰ کہ ان صاحب کو اپنی پتلون تنگ کرانا پڑی۔ بواسیر: بواسیر بعض زبانوں میں بیٹھنے کے مرض کو کہتے ہیں۔ کیونکہ بواسیر پیدل چلنے والے کو بہت کم ہوتی ہے اور اس کا علاج اگر پیدل چلنے سے کیا جائے تو بہت کارکر ہوگا۔ حتیٰ کہ بادی بواسیر کے مریض بظاہر چل نہیں سکتے لیکن جب انہوں نے پیدل چلنا شروع کیا اور مسلسل، متواتر، مستقل مزاجی سے چلتے رہے تو مرض نے ہمیشہ کیلئے سلام کردیا۔ اور سب سے بڑی چیز یہ ہے کہ پیدل چلنا سنت نبویﷺ ہے اور اگر اس کو سنت سمجھ کر کیا جائے تو ثواب کم نہ ہوگا اور دنیا کے فوائد مفت میں حاصل ہوجائیں گے۔

شیخ الوظائف کا تعارف

حضرت حکیم محمد طارق محمود مجذوبی چغتائی (دامت برکاتہم) فاضل طب و جراحت ہیں اور پاکستان کونسل سے رجسٹرڈ پریکٹیشنز ہیں۔حضرت (دامت برکاتہم) ماہنامہ عبقری کے ایڈیٹر اور طب نبوی اور جدید سائنس‘ روحانیت‘ صوفی ازم پر تقریباً 250 سے زائد کتابوں کے محقق اور مصنف ہیں۔ ان کی کتب اور تالیفات کا ترجمہ کئی زبانوں میں ہوچکا ہے۔ حضرت (دامت برکاتہم) آقا سرور کونین ﷺ کی پُرامن شریعت اور مسنون اعمال سے مزین، راحت والی زندگی کا پیغام اُمت کو دے رہے ہیں۔ مزید پڑھیں

اھم اعلانات

Ubqari®

Ubqari®

عبقری ٹیلی گرام

عبقری واٹس ایپ گروپ

شیخ الوظائف کا مختصر تعارف

عبقری

براه راست درس

درس ریکارڈنگ

شفائیہ دعائیں

اہم اعلانات

ویڈیو درس

ماہنامہ عبقری

کتب

اخباری مضامین

ادویات

ٹوٹکے

اعمالِ شفاء

گیلری

اپائنٹمنٹ

بیعت

رابطہ

عبقری جادوئی لائبریری

دو انمول خزانے