حکیم صاحب تسبیح خانہ اور درس نے تو میری زندگی ہی بدل دی ہے جب سے میں نے اسباب کو چھوڑ کر اعمال کو اپنایا ہے میرے ایسے ایسے ناممکن کام‘ ایسی ایسی ناممکن خواہشات پوری ہوئی ہیں اور ہورہی ہیں کہ میں بتا نہیں سکتی مجھے خود یقین نہیں آتا۔ میرے پیپر سے پہلے میں بہت زیادہ بیمار ہوگئی تھی جس کی وجہ سے میری کوئی تیاری نہ ہوسکی لیکن میں نے صرف اللہ سے مانگا ابھی کل کی بات ہے کہ میرا پیپر تھا اور میں بہت سخت پریشان تھی جب سب جلدی جلدی رٹے لگارہے تھے میں نے اپنے اللہ سے باتیں کیں اور پھر ایسا ہوا کہ ایگزامینر نے مجھ سے کچھ پوچھے بنا میرے اچھے نمبر لگادئیے اور شاباش بھی دی بس میری کاپی پر ایکسیلنٹ لکھا دیکھ کر مجھے واپس بھیج دیا۔ حکیم صاحب آپ پلیز دعا کیجئے گا کہ میں باقی پیپرز میں بھی پاس ہوجائوں اور حکیم صاحب سورہ کوثر کی برکات تو نہ ہی پوچھیں۔ پہلے میں ٹیوشن پڑھاتی تھی اور اپنا خرچہ پورا کرتی تھی لیکن پھر اللہ کی طرف سے ہی سب بچوں نے چھوڑ دیا اب حکیم صاحب بنامحبت کے ہی اللہ مجھے غیب سے نواز رہا ہے۔ بس جو تھوڑے بہت پیسے ہوں برکت کی تھیلی میں رکھ دیتی ہوں سورہ کوثر کا اہتمام کرتی ہوں اور کام کرتی جاتی ہوں لیکن پیسے ختم نہیں ہوتے۔ میری زندگی اعمال نے آسان بنادی ہے۔

حکیم صاحب میرا ایک جو اہم مسئلہ تھا وہ میرے والد صاحب کا تھا ان کیلئے بھی میں نے پچھلے پورا سال درس میں بہت دعائیں کی تھیں حکیم صاحب ان کی سچی توجہ بھی مجھے ملی ہے اور حالات کیسے بدلے ہیں میں تو دنگ ہی رہ گئی ہوں۔ اب وہ واپس ہمارے گھر آگئے ہیں اور ہم سب مل جل کر ہنسی خوشی رہ رہے ہیں اور ہمارے گھر سے تمام جھگڑے ختم ہوگئے ہیں۔ حکیم صاحب والد صاحب کی محبت ملنے کے بعد بھی میری بے قراری ختم نہیں ہوئی کوئی خلا ہے میرے اندر کوئی کمی ہے کوئی لاحاصل جستجو ہے جو مسلسل میرے اندر چل رہی ہے مجھے بے چین رکھتی ہے۔ حکیم صاحب مجھے آج پتہ چلا ہے کہ مجھے عشق حقیقی کی تلاش ہے مجھے میرے اللہ سے ملادیں۔ حکیم صاحب دعا کریں مجھے میرا اللہ مل جائے‘ وہی ہی میری اصل تلاش ہے۔ میں بہت دور ہوں اپنے خالق سے‘ میں بہت گنہگار ہوں‘ میں نے اپنے پیدا کرنیوالے کا حق ادا نہیں کیا‘ مجھے میرے اللہ سے ملا دیں۔