نظر کمزور ہو تو گاجر کےپانی میں سونف بھگودیں۔ پانی خشک ہوجائے تو دوبارہ گاجر کا پانی ڈال دیں۔ اس طرح تین بار کریں۔ خشک ہونے پر اس میں چینی اور بادام ملا کر پیس لیں۔ صبح شام یہ سفوف چائے کا چمچ بھر کھائیں‘ نظر تیز ہوجائے گی۔

جڑی بوٹیوں کی افادیت زمانہ قدیم سے مسلمہ ہے پسماندہ اور ترقی یافتہ ممالک میں بھی ان سے یکساں فائدہ اٹھایا جاتا ہے۔جرمنی میں چھوٹے بچوں کو دوائیاں نہیں دی جاتیں بلکہ انہیں سونف کا پانی پلایا جاتا ہے۔ سونف کے پیکٹ بازار میں عام دستیاب ہیں۔ سونف کا پانی ابال کر پلانےسے بچے کئی تکلیفوں سے نجات پالیتے ہیں۔
نظر کی کمزوری کا آخری علاج:سونف بہت اچھی دوا ہے۔ خصوصاً گیس کے لیے بہترین ہے۔ گھر میں سونف ضرور رکھنی چاہیے۔ چھوٹے بچوں کے پیٹ میں درد ہو تو چائے کا چمچ سونف ایک پیالی پانی میں جوش دے کر رکھ لیں۔ اس کے پلانےسےبدہضمی دور ہوجاتی ہے۔ دیہات میں عموماً دودھ میں سونف پکا کر بچوں کو پلاتے ہیں۔ اس سے بچوں کے پیٹ میں درد ہوتا ہے نہ گیس بنتی ہے۔ آج کل چھوٹے بچوں کی نگاہ بھی کمزور ہورہی ہے۔ اس کے لیے تھوڑی سی سونف بچوں کی جیب میں ڈال دیں۔ وہ چلتے پھرتے کھالیں گے۔ اس سے نگاہ کی کمزوری بھی دور ہوجائے گی اور معدے کو بھی طاقت ملے گی۔ صبح چائے کا چمچ بھر سونف کھانے سے بینائی تیز ہوتی ہے۔ پرانے نزلہ کے لیے عموماً خواتین رات کو سوتے وقت ایک بڑا چمچ سونف اور گیارہ بادام کھلاتی ہیں۔ اس کے فوراً بعد چائے دودھ یا پانی کچھ نہیں پینا چاہیے۔ اس سے نزلہ دور ہوتا ہے اور دماغ میں تری آتی ہے۔ کچھ لوگوں کا ہاضمہ خراب رہتا ہے اور اسہال کی تکلیف سے نڈھال ہوتے ہیں۔ جہاں کچھ کھایا پیٹ میں درد ہوگیا انہیں چاہیے سونف تھوڑی سی چینی ملالیں۔ صبح شام چائے کا ایک چمچہ کھانے سے ہاضمہ ٹھیک ہوتا ہے۔ بیل گری مل جائے تو وہ بھی برابر وزن کرکے ملالیں جلدی فائدہ ہوگا۔
ہر مرض کی دواء:آج کل بازار کی چٹ پٹی چیزیں کھانے سے معدہ بوجھل اور گیس کی شکایت عام پائی جاتی ہے۔ سونف کے نرم نرم پتے اور ڈنڈیوں کی سلاد صبح نہار منہ کھانےسے یہ شکایت دور ہوجاتی ہے۔ سونف کےپتے آپ سات باداموں کے ساتھ کھالیں تو سردرد کی شکایت دور ہوجاتی ہے۔ کچھ لوگوں کی آنکھیں پیلی پیلی بے رنگ سی ہوتی ہیں سونف کا پانی شہد میں ملا کر آنکھوں میں ڈالنے سے چند روز میں آنکھوں کی اصلی رنگت لوٹ آتی ہے اور چمک بڑھ جاتی ہے۔ سونف کے پتوں کا پانی نکال کر اس میں کھرل کیا ہوا سرمہ بھی مفید ہے۔ دُھند‘ جالا‘ کمزوری اور آنکھوں سے پانی پہنا دور ہوتا ہے۔ نظر کمزور ہو تو گاجر کےپانی میں سونف بھگودیں۔ پانی خشک ہوجائے تو دوبارہ گاجر کا پانی ڈال دیں۔ اس طرح تین بار کریں۔ خشک ہونے پر اس میں چینی اور بادام ملا کر پیس لیں۔ صبح شام یہ سفوف چائے کا چمچ بھر کھائیں‘ نظر تیز ہوجائے گی۔تھوڑی سی اجوائن کھانے کے بعد کھالی جائے تو گیس کے ڈکار نہیں آتے۔ اس کے چبانے سے منہ کا مزہ ٹھیک رہتا ہے بھوک لگتی ہے اور ہچکی دور ہوتی ہے۔
اجوائن بتائے فائدے ہی فائدے:اجوائن کے دانے پیس لیں اور پانی میں ملا کر ذرا سا نمک ڈالیں اور پی جائیں۔ اس سے معدے اور جگر کی اصلاح ہوتی ہے۔ اجوائن جگر کی سختی دور کرتی ہے۔ صبح شام کھانےسے بڑھی ہوئی تلی معمول پر آجاتی ہے۔ معدے کے درد میں بھی اجوائن فائدہ دیتی ہے جو لوگ افیم کھاتے یا چرس پیتے ہیں وہ اجوائن کا باقاعدہ استعمال کریں تو اس عادت سے چھٹکارا پاسکتے ہیں۔ ان منشیات کے جو برے اثرات جسم پر مرتب ہوتے ہیں اجوائن انہیں دور کردیتی ہے۔ اجوائن کا عرق معدے اور جگر کی بیماریوں میں اکسیر کا کام کرتا ہے۔ بدہضمی اور گیس اور جگر کی کمزوری ختم ہوجاتی ہے۔ اس کے عرق سے ریاحی درد بھی جاتے رہتے ہیں۔ اجوائن ایک پاؤ لے کر خوب صاف کرلیں۔ پھر اس میں پانچ تولے کالانمک ملا کر پیس لیں اور شیشے کےبرتن میں دوا ڈال دیں‘ پھر لیموں کا رس اس قدر نچوڑیں کہ اجوائن اور نمک کا سفوف اس میں اچھی طرح ڈوب جائے لیموں کا رس خشک ہوجائے تو اور نچوڑیں اسی طرح پانچ مرتبہ کریں۔ صبح و شام لکڑی یا سٹیل کے چمچ سے ہلائیں خشک ہوجائے تو پیس لیں یا ویسے ہی شیشے کی بوتل میں رکھ لیں۔اس کی خوراک ایک ماشہ ہے۔ پیٹ میں درد‘ اپھار‘ گیس ہو تو پانی کے ساتھ کھالیں۔ ٹھیک ہوجائے گا۔ اجوائن کے استعمال سے پیٹ نہیں بڑھتا اور بڑھا ہوا پیٹ کم ہوجاتا ہے۔