بسم اللہ شریف کا عمل جو شروع کیا تھا وہ بھی الحمدللہ ابھی جاری ہے۔ 1100 مرتبہ تو روزانہ معمول ہے لیکن زیادہ کی کوئی حد نہیں

محترم حکیم صاحب السلام علیکم! چند باتیں اپنے فہم کے مطابق ٹوٹے پھوٹے انداز میں عرض کروں گا امید ہے کہ عیبوں پر چشم پوشی فرماتے ہوئے خاص توجہ فرمائیں گے۔ جب سے آپ سے تعلق ہوا ہے الحمدللہ روزانہ ایک سورۂ یٰسین شریف آپ کے لیے اوردیگر اساتذہ کیلئے پڑھتا ہوں۔
بسم اللہ شریف کا عمل جو شروع کیا تھا وہ بھی الحمدللہ ابھی جاری ہے۔ 1100 مرتبہ تو روزانہ معمول ہے لیکن زیادہ کی کوئی حد نہیں‘ درمیان میں چونکہ شاید رجعت ہوگئی تھی ہاتھوں اور پاؤں کی تلیوں میں شدید درد ہوتا ہے جو کہ ابھی تک برقرار ہے اگرچہ کچھ کم ہوگیا ہے۔ خواب میں آپ کی زیارت کئی مرتبہ الحمدللہ ہوئی ہے‘ مزید روحانی ترقی کیلئے دعا کی درخواست ہے۔
الحمدللہ جب سے آپ سے تعلق ہوا ہے ہرطرف برکتیں ہی برکتیں ہیں‘ گھریلو پریشانیاں تھیں جو کہ اب واضح طور پر نظر آرہا ہے کہ کم ہورہی ہیں۔رکے ہوئے کام خود بخود مکمل ہونے لگے‘ ذہنی ٹینشن اور بے سکونی کا سامنا تھا اب الحمدللہ بہت ہلکا پن اور دلی سکون ہے۔
پہلے میری زبان پر ذکر جاری نہیں ہوتا تھا لیکن اب الحمدللہ ہروقت میری زبان پر ذکر جاری رہتا ہے۔ اعمال پہلے بھی کرتا تھا مگر ان پر استقامت نہیں تھی اب پابندی سے سنت اعمال کی پابندی کرتا ہو۔ صبح فجر کی نماز کیلئے خودبخود ہی آنکھ کھل جاتی ہے بلکہ اب تو تہجد بھی شروع کردی ہے۔