آپ یقین کریں پہلے دن یعنی پہلی دفعہ کے غسل سے ہی اندر باہر سے گند نکلتا محسوس ہوا جیسا کہ جسم پر سے منوں بوجھ اتر رہا ہو۔ 4 ہفتے یہ عمل کیا میں تقریباً ٹھیک ہوگئی مگر میں دو ماہ تک ہر ہفتہ غسل کرتی تھی تاکہ اثرات بالکل ختم ہوجائیں۔

یہ 36,35 سال پہلے کی بات ہے کہ میرے رشتہ کی بات چلی‘ کئی رشتے آئے کئی گئے مگر ہمارے گھر والے مطمئن نہیں تھے‘ رشتہ داروں میں سے ایک رشتہ آیا۔ والدین کا دل نہ مانا‘ انکار کے بعد میں مسلسل بیمار رہنے لگی‘ بیماری بھی کیا تھی بس سارا دن بے جان بے سدھ بت کی طرح نیم بے ہوشی کی حالت میں لیٹی رہتی تھی‘ آوازیں سب کانوں میں آتی تھیں مگر آنکھیں کھولنے اور بولنے کی طاقت نہیں ہوتی تھی‘ جان اندر ہی اندر کوئی کھا رہا تھا‘ صاف پتہ چلتا تھا اندر ہی اندر کوئی مسلسل کھارہا ہے‘ میری والدہ کو کسی نے ایک بزرگ خاتون کا پتہ بتایا‘ والدہ صاحبہ مجھے ان کے پاس لے گئیں‘ انہوں نے دیکھ کر کہا کہ اس کو جسمانی بیماری کوئی نہیں ہے اس کے اوپر ایسا جادو یا اثر چھوڑ دیا گیا ہے کہ یہ گُھل گُھل کے دنوں میں ختم ہوجائے لیکن تم فکر نہ کرو میں جو علاج بتاؤں اس کو اللہ پر بھروسہ کرکے کرو انشاء اللہ آپ کی بچی بالکل ٹھیک ہوجائے گی۔ اسی بیماری کے دوران میں نے خواب دیکھا کہ میرے کپڑے گردن سے لے کر پیروں تک سوئیوں سے بھرے ہوئے ہیں۔ میں اپنی والدہ صاحبہ کو وہ اپنا سوئیوں سے بھرالباس دکھاتی ہوں اور ساتھ ساتھ ایک ایک سوئی اتار رہی ہوں۔ یہ خواب سخت جان لیوا جادو کا پتہ دے رہا تھا۔ پھر اس نیک خاتون نے علاج بتایا کہ حقے کا پانی لاؤ اس پانی سے اس کو نہلاؤ اور پورے گھر کے درو دیوار پر چھڑکو دن میں دو بار۔ اس کے کھانے میں دو یا تین قطرے یا آدھا چھوٹا چمچہ اس کا بھی ڈال دو تاکہ اندر سے بھی یہ اثرات کوکاٹ دے۔ میں نے ان کے بتائے طریقے پر عمل کیا۔
آپ یقین کریں پہلے دن یعنی پہلی دفعہ کے غسل سے ہی اندر باہر سے گند نکلتا محسوس ہوا جیسا کہ جسم پر سے منوں بوجھ اتر رہا ہو۔ 4 ہفتے یہ عمل کیا میں تقریباً ٹھیک ہوگئی مگر میں دو ماہ تک ہر ہفتہ غسل کرتی تھی تاکہ اثرات بالکل ختم ہوجائیں۔
طریقہ غسل: ہر منگل کو دن بارہ بجے تک یہ غسل کرنا ہے۔ غسل آپ پہلے صابن وغیرہ سے نہانا ہو تو نہالیں صاف ہونے کے بعد آدھی یا پوری بالٹی بھر لیں سادہ پانی سے۔ پھر اس میں نہانے والا ڈونگا جو ہم بالٹی سے پانی نکالنے کیلئے استعمال کرتے ہیں حقے کے پانی سے بھر کر اس بالٹی میں مکس کردیں پھر آپ نے صرف اسی پانی سے غسل کرنا ہے۔ پورا سر اچھی طرح تر ہوجائے اور پورا جسم اس پانی سے دھل جائے۔ غسل کے بعد آپ نے کوئی پاؤڈر پرفیوم‘ خوشبودار صابن استعمال نہیں کرنا‘ غسل کے بعد حقے کے پانی کی جو بو ہے وہ جادو ٹونے کی کاٹ کرتی ہے‘ غسل کے فوراً بعد گیارہ‘ اکیس‘ اکیاون‘ ایک سو ایک روپے جتنی توفیق ہے وہ خیرات کردیں۔ ہر منگل دن بارہ بجے تک چڑھتے سورج کے وقت چار منگل کرنا ہے۔ زیادہ بھی کرسکتے ہیں۔