جب رسالہ گھر میں آتا ہے تو ہم سب بہن بھائیوں کی آپس میں لڑائی ہوجاتی ہے کیونکہ ہر کوئی چاہتا ہے کہ مزے مزے کی باتیں پہلے میں پڑھ لوں

محترم حکیم صاحب السلام علیکم! اللہ رب العزت آپ کو صحت اور عمرخضر دے‘ آپ کا رسالہ عبقری پہلی دفعہ ماہ ستمبر2011 میں ہمارے گھر آیا۔ پہلے تو ہم نے یونہی اِدھر اُدھر رکھ دیا کیونکہ اس سے پہلے ہم نے بہت سے رسالے پڑھے تھے لیکن کسی میں بھی کوئی کام کی بات نہیں ہوتی تھی‘ اسی خیال سے اسے بھی نظرانداز کردیا۔ کافی دنوں کے بعد بیٹھ کر پڑھنا شروع کیا تو پھر پتا چلا کہ یہ رسالہ کتنا انمول خزانہ ہے۔ اس کا ہر صفحہ دلچسپ اور مفید ہے۔ اس میں ثواب و حکمت کے خزانے ہی خزانے ہیں۔ ہر صفحہ پڑھنے کا اپنا ہی الگ مزہ ہے۔ پہلے رسالے کے پڑھنے کے بعد ہم سب تو اس کے دیوانے ہوگئے ہیں۔ یہ رسالہ میری ساری فیملی کو بہت زیادہ پسند ہے۔مزے کی بات ۔۔۔اب تو اس کا شدت سے انتظار ہوتا ہے اور جب رسالہ گھر میں آتا ہے تو ہم سب بہن بھائیوں کی آپس میں لڑائی ہوجاتی ہے کیونکہ ہر کوئی چاہتا ہے کہ مزے مزے کی باتیں پہلے میں پڑھ لوں‘ خصوصاً میں نے تو اسے اپنا ’’پیرومرشد‘‘ ہی بنالیا ہے۔ عبقری دینی ماحول بڑے دلکش اور میٹھے انداز سے دیتا ہے کہ بات فوراً دل میں اتر جاتی ہے اس میں دئیے ہوئے روحانی علاج بہت زبردست ہیں میں عبقری رسالے سے بہت خوش ہوں۔
محترم حکیم صاحب! میں آپ کا اور آپ کے تمام سٹاف کا تہہ دل سے شکریہ ادا کرتی ہوں کہ آپ ہم قارئین کیلئے خلوص دل سے محنت کرتے ہیں‘ سچی لگن نیک نیتی سے کام کرنے والوں سے اللہ بہت خوش ہتا ہے۔ میری دعا ہے کہ اللہ کریم سے کہ آپ کو صحت اور لمبی عمر دے اور آپ کے ادارے کو دن دگنی رات چوگنی ترقی دے۔ اللہ آپ کی اس کاوش کو قبول فرمائے۔ محترم حکیم صاحب! میں آپ کو بہت دعائیں دیتی ہوں آپ اللہ تعالیٰ کے نیک بندے ہیں۔ اللہ کریم اپنے دوستوں کی دعا قبول فرماتے ہیں۔آپ اپنے درس‘ بیان یا کہیں بھی دعا کریں تومیرے گھر اور میرے لیے خصوصی دعا کریں۔ اللہ کریم میرے دل کی دعا پوری فرمادے۔ میں پہلی مرتبہ کسی سے یہ درخواست کررہی ہوں اور پہلی ہی مرتبہ کسی ادارے میں خط لکھ رہی ہوں۔ براہ مہربانی میرا نام شائع مت کیجئے گا۔ (پوشیدہ)