محترم حضرت حکیم صاحب السلام علیکم! درج ذیل نسخہ لاہور میں ایک صاحب لوگوں کو فری بانٹتے ہیں‘ ہزاروں لوگوں کو اس سے فائدہ ہوا۔ عبقری قارئین کیلئے خصوصی طور پر لایا ہوں تاکہ لاکھوں قارئین کو اس سے فائدہ ہو اور میرے لیے صدقہ جاریہ بنے۔ ھوالشافی: بکھڑا ایک چھٹانک‘ سونف چھ ماشہ‘ کانسی چھ ماشہ‘ اگر کھانسی نہ ہو تو خربوزے کے بیج بمعہ چھلکا چھ ماشہ لیں۔ ترکیب استعمال: دو کلو پانی میں ڈال کر ابال لیں‘ جب ایک کپ پانی رہ جائے تو باریک کپڑے سے چھان کر رات کو سوتے وقت استعمال کریں۔ اس کو پینے کے بعد کوئی چیز نہیں کھانی‘ پانی زیادہ سے زیادہ پئیں‘ صبح ناشتہ سے پہلے دوبارہ اسی طرح پکائیں اور جب ایک کپ رہ جائے تو باریک کپڑے سے چھان کر ناشتہ کرنے سے پہلے ایک گھنٹہ پی لیں۔پرہیز: چائے‘ چاول‘ بڑا گوشت‘ مرغی‘ انڈا‘ مچھلی‘ کلیجی ‘گائے یا بکرا‘ پوٹہ کلیجی مرغی‘ ادرک‘ ٹماٹر‘ لال مرچ‘ بیگن‘ دال مسور‘ وغیرہ وغیرہ۔ استعمال کرنے والی چیزیں: چھوٹا گوشت‘ کالی مرچ‘ گھیا‘ ٹینڈے‘ دہی‘ لسی چاٹی‘ لسی دودھ کی‘ لسی دہی کی زیادہ پانی والی۔ (محمدظفر قریشی‘ لاہور)