تین مرتبہ درود شریف، ایک مرتبہ الحمد شریف، ایک مرتبہ آیت الکرسی، ایک مرتبہ سورہ حشر کی آخرت تین آیات اور ایک ایک مرتبہ چاروں قل شریف اور آخر میں پھر تین مرتبہ درود شریف پڑھ کر دم کردیں یا دھاگے پر طاق گرہ لگاکر دم کرکے گلے میں باندھ دیں

جادو، جنات اور تمام جسمانی امراض کے دفیعہ لئے اکسیر اعظم عمل: الحمد شریف سات مرتبہ، آیت الکرسی تین مرتبہ، سورہ یٰسین شریف ایک مرتبہ، سورہ ٔنوح ایک مرتبہ، سورۂ جن گیارہ مرتبہ، سورہ ٔلہب ایک مرتبہ، آخری تینوں قل تین تین مرتبہ، اول و آخر تین تین مرتبہ درود شریف پڑھ کر پانی پر دم کرکے مریض کو پلائیں اور دعا کریں کم از کم پانچ ماہ یہ عمل کریں اس سے بڑھ کر کوئی عمل نہیں ہے۔ (اللہم از مولانا منظور احمد شامی، ص192)
ہرمقصد کے حل کیلئے تین آسان عمل :نماز فجر کی سنت اور فرض کے درمیان 41 مرتبہ الحمد شریف وصل بسم اللہ کے ساتھ پڑھیں اول و آخر گیارہ گیارہ مرتبہ درود شریف آخری مرتبہ کو 41بار تکرار کریں پھر دعا کریں۔ (اللھم، ص186) بعد نماز عشاء دو نفل پڑھ کر گیارہ سو مرتبہ درود شریف پڑھیں اور اپنے مطلوبہ کام کے حل کیلئے دعا کریں۔ روزانہ کسی بھی وقت پانچ ہزار مرتبہ پڑھ کر دعا کریں۔
نظر بد، بخار، سردرد، بچوں کا رونا اور چلانا،
بدن کا درد اور ہر بیماری کیلئے مختصر دم
تین مرتبہ درود شریف، ایک مرتبہ الحمد شریف، ایک مرتبہ آیت الکرسی، ایک مرتبہ سورۂ حشر کی آخرت تین آیات اور ایک ایک مرتبہ چاروں قل شریف اور آخر میں پھر تین مرتبہ درود شریف پڑھ کر دم کردیں یا دھاگے پر طاق گرہ لگاکر دم کرکے گلے میں باندھ دیں یا پانی دم کرکے پلادیں یا مریض کے دونوں ہاتھوں پر کردیں اور اسے کہیں کہ اپنے بدن پر دونوں ہاتھوں کو مل کر پھیرلیں۔
ملازمت کا حصول، معقول رشتے، دیرینہ مقدمے، دشمنی کا خاتمہ اور فتوحات کیلئے
ایک جگہ مقرر کرکے روزانہ آیت کریمہ پڑھیں چاہے دن میں کئی مرتبہ بیٹھ جائیں اور اس کا ثواب نبی کریمﷺ کو بخش کر دعا کریں۔ آسان استخارہ:سورہ الزلزال کی آیت نمبر7 اور 8 الگ الگ تین تین پرچیوں پر لکھ لیں اور ان کو بند کرکے مصلے کے ایک طرف رکھ لیں اور دو نفل استخارہ کی نیت سے پڑھ کر اپنے کام کیلئے دعا کریں کہ میرے حق میں بہتر رہے گا یا نہیں؟ پھر ان پرچیوں میں سے ایک اٹھا کر الگ کرلیں اس طرح چھ نفل پڑھ کر تین پرچیاں الگ کرلیں اور دیکھیں کہ ان پر کون سی آیت لکھی ہیں اگر آیت نمبر7 ہے تو کام اچھا ہے کرلیں اور اگر آیت نمبر8 ہے تو صحیح نہیں ہے اور نہ کریں اگر آیت نمبر7 کی ایک ہی پرچی ہے اور دو پرچیاں آیت نمبر8 کی ہیں تو بھی کام مناسب نہیں ہے اور اگر دو پرچی آیت نمبر7 کی ہیں اور ایک آیت نمبر8 کی ہے تو کرلیں لیکن کچھ نقصان ہوگا استخارہ کا مطلب صرف کام کے کرنے اور نہ کرنے کا اللہ تعالیٰ سے مشورہ لینا ہے نہ کہ کسی کام کے متعلق یہ ہوگا یا نہیں۔ تشخیص امراض :کسی بھی پیمائش سے مریض کے بدن یا مستعمل کپڑے پر نشان لگالیں اور آیت کریمہ 11 مرتبہ پڑھ کر دم کریں اور دوبارہ پیمائش کریں اگر بڑھ جائے تو جنات کے اثرات اگر کم ہوجائیں تو جادو یا نظربد اور اگر برابر رہے تو جسمانی مرض ہے۔