محترم حضرت حکیم صاحب السلام علیکم! اللہ تعالیٰ آپکو لمبی عمر عطا کرے اور علم میں شفا میں مزید اضافہ کرے میں باقاعدگی سے تسبیح خانہ میں درس میں شرکت کرتی ہوں۔ایک درس میں چاشت کے نفل کی برکت بتائی اورفرمایا کہ اس کے پڑھنے سے جادوگروں کے جادو رُک جاتے ہیں ۔ میں اپنا تجربہ لکھ رہی ہوں میرے شوہر کو ایک جادوگر لڑکی نے قابو کیا ہوا ہے اور اس کی وجہ سے میری ازدواجی زندگی ڈسٹرب ہوئی آپ کے اعمال گزشتہ پانچ ماہ سے کررہی ہوں‘ الحمدللہ! ان اعمال کی بدولت اب اپنے شوہر کے پاس ہوں وہ مجھے خود درس پر جانے کی اجازت دیتے ہیں دعا کریں ۔مشاہدہ یہ ہے کہ اللہ کے فضل و کرم سے میں نے نفل صبح 9 سے 10 کے درمیان پڑھے۔ اس نیت سے کہ جادو ختم ہوں ۔ میں نے اللہ سے دعا کی اور چاشت کے نفل پڑھ کر سو گئی۔ صاف خواب میں سوکن کو دیکھا جو خود کہہ رہی ہے کہ جادو کیا ہے کہ تمہاری اولاد نہ ہو مجھے صاف نقشہ نظر آگیا اس کی کالی کرتوتوں کا اور چاشت کے نفل کی برکت سے میرے شوہر نے مجھے22 ہزار کا فینسی سوٹ لے کر دیا۔ جو مسئلہ تھا اس کی جڑ وہ دشمن مجھے چاشت نماز دو نفل کی برکت سے اللہ نے ظاہر کردیا۔ آپ دعا کردیں کہ اللہ مجھے جادوگرنی کے شر سے محفوظ رکھے اور اولاد نرینہ ہو۔ میں پانچ سال سے تسبیح خانہ سے جڑی ہوں۔ اسم اعظم کا دم، روحانی اجتماع، حلقہ کشف اور درس میں بلاناغہ شرکت کی برکتیں مل رہی ہیں۔ یہ ایسا تیر بہدف مشاہدہ ہے جو آپ نے درس میں چاشت کے نفل کی برکت بیان کی اور جادوگروں کے جادو بے شک ٹوٹ جاتے ہیں۔ میرے اللہ پاک نے مجھے دو نفل کی برکت سے دشمن کو صاف خواب میں دکھا دیا سفلی موکلات دکھائے۔ میری التجا ہے کہ پوری دنیا میں زیادہ سے زیادہ یہ عمل پھیلایا جائے یہ بھی صدقہ جاریہ ہے۔ یہ میرے پیارے نبی پاک حضرت محمدﷺ کے مسنون اعمال کی برکت و رحمت ہے ۔ شکریہ والسلام۔ (ح۔ا۔ل)