محترم حضرت حکیم صاحب السلام علیکم! میرے پاس چند ٹوٹکے اور چٹکلے ہیں جو میں قارئین عبقری کی نذر کرتی ہوں:۔نمونیہ سے بچاؤ: یہ نسخہ میری والدہ محترمہ کا ہے‘ ان کا کہنا ہے کہ سردیوںکے موسم میں رات کے وقت سونے سے پہلے بچوں‘ بڑوں سب کی پسلیوں پر گلیسرین کا مساج کریں تو بچے ‘ بڑے نمونیہ سے بچیں رہیں گے بلکہ اگر خدانخواستہ کسی کو نمونیہ ہو بھی جائے تو ٹھیک ہوجائے گا۔ مگر مساج ہر تین گھنٹے بعد کریں۔ سب آزمائیں اور ہمیں دعا دیں۔چوہوں سے چھٹکارا: یہ ٹوٹکہ میرا خود کا آزمودہ ہے جس گھر میں چوہے آجائیں وہاں صفائی کا خاص خیال رکھیں۔ الماریوں ‘ چارپائیوں یا بیڈز کے نیچے کوئی چیز نہ رکھیں تاکہ چوہوں کو چھپنے کی جگہ نہ ملے اگر چوہے ٹھکانہ بنالیں تو روزانہ لیکویڈ فینائل سپرے کریں‘ دن میں دو تین بار بالخصوص رات سونے سے پہلے‘ رات کو تمام سیوریج کے پائپ میں فلش میں بھی ڈالیں (بعد میں پانی نہ بہائیں)۔
ایسی چند تدابیر سے ان شاء اللہ چوہے بھاگ جائیں گے اور دوبارہ نہیں آئیں گے ایسا کرتے رہیں‘ نہ صرف چوہے بلکہ دوسرے کیڑے بھی پیدا نہیں ہوں گے۔آئیں چھپکلیاں بھگائیں: اکثر گھر کے باورچی خانے میں چھپکلی گھس جاتی ہے اور برتنوں میں پھرتی ہے جس سے بہت کراہت محسوس ہوتی ہے جس جگہ سے چھپکلی کو بھگانا ہو وہاں سلور کے ورق (جو سگریٹ اور چائے کی پتی وغیرہ سے نکلتے ہیں) کاٹ کر دیوار پر چپکادیں تو چھپکلی بھاگ جائے گی۔ آپ ورق کی مختلف اشکال کاٹ لیں جیسے پھول‘ ستارہ وغیرہ وہ لگے ہوئے خوبصورت بھی لگیں گے دوسرا چھپکلی کے آنے جانے کے مقام پر حقہ کا پانی چھڑک دیں تو چھپکلی بھاگ جائے گی یہ نسخہ یا ٹوٹکہ میری ساس صاحبہ مرحومہ مغفورہ کا ہے آزمائیں اور ان کے جنت میں اعلیٰ مقام کیلئے دعا کریں۔ (محمد نوید‘ لاہور)