موت کے وقت سکندر بادشاہ سے لوگوں نے پوچھا ‘ آپ نے اس تھوڑی سی زندگی میں کس طرح پوری دنیا کو تابع کیا۔ سکندر کہنے لگا: صرف دو کاموں سے۔ پہلا یہ کہ دشمنوں کو میں نے مجبور کردیا کہ وہ میرے دوست بن جائیں اور میں نے دوستوں کو ہرگز نہیں چھوڑا کہ کہیں وہ میرے دشمن نہ بن جائیں۔ زندگی کھانے کیلئے نہیں: حکیم جالینوس سے لوگوں نے پوچھا کہ کون سی غذا بدن کودرست کرتی ہے؟ اس نے کہا کہ بھوک۔ اور یہ بھی کہتے تھے کہ کھانا زندگی کیلئے نہ کہ زندگی کھانے کیلئے۔ بھائیوں کے ساتھ دشمنی: جو شخص بھائیوں کے ساتھ دشمنی کرے وہ بھائی بننے کے لائق نہیں ہے۔(سلیم اللہ سومرو‘ کنڈیارو)