محترم حضرت حکیم صاحب السلام علیکم! میں آپ سے بیعت ہوں تسبیح خانے کی خدمت کا بھی شرف حاصل ہوا ہے۔ میری والدہ کا یوریا کریٹینن بڑھ گیا ڈاکٹروں نے کہا کہ آپ کی والدہ کے گردے کام نہیں کررہے۔ دونوں گردے سکڑ گئے ہیں ان کے ڈائیلاسز ہورہے ہیں اب تک آٹھ ڈائیلاسسز ہوگئے ہیں اس دوران انہیں کوئٹہ میں ٹھنڈ لگ کئی جس کی وجہ سے کھانسی شدید ہوگئی سینے سے خرخر کی آوازیں آتی ہیں ساری رات کھانسی سونے نہیں دیتی۔ والدہ کا کھانا پینا بالکل نہیں ہے وہ تینوں ٹائم عبقری تلبینہ کا ایک کپ اس میں ہلکا سا دودھ ڈال کر لیتی ہیں ۔عبقری تلبینہ ہضم ہو جاتا ہے اس کے علاوہ کچھ بھی ہضم نہیں کرسکتیں۔
گردے کے لیے نسخہ
میرا پاس ایک نسخہ ہے گردے کیلئے جس کے گردے فیل ہو جائیں یا ڈائیلاسسز چل رہے ہوں تو وہ استعمال کریں گردے ایسے ہو جاتے ہیں جیسے بالکل نئے ہوں۔ چار پانچ کلو دیسی لیموں کا رس ایک لیٹر کی شیشے کی بوتل میں بیج الگ کرکے گودے سمیت رس نکال لیں۔ پیلی کوڈیاں جن کو صاف کرکے اس رس میں ڈال دیں۔ پیلی کوڈیا ایک لیٹر لیموں کے رس میں آٹھ ہونی چاہیں اس کو روزانہ ہلانا ہے یعنی بوتل کو سات آٹھ دن تک صبح ہلانا ہے، ڈھکنا کھول کر اس کی گیس جو بوتل میں بنے گی اس کو باہر نکالنا ہے اس کے بعد جو کوڈیاں بالکل پگھل جائیں گی اور سفید رنگ کا پائوڈر آٹھ دن میں بوتل کی تہہ میں بن جائے گا اس کے بعد ایک چمچ جس سے ہم چاول کھاتے ہیں وہ صبح نہار منہ کھانا ہے۔ ایک گھنٹہ تک کچھ بھی نہیں کھانا ہے۔ پرہیز کچھ بھی نہیں ہے سب کچھ کھاسکتے ہیں جن صاحب نے نسخہ بتایا ہے ان کا کہنا ہے اس کا کوئی سائیڈ ایفیکٹ نہیں ہے۔ نہایت آزمودہ ہے۔